 |
1- ابدأي يومك بشرب كوبين من الماء لتنقية الجسم من السموم و طول اليوم اشربي ماء كثير 10 أكواب مثلا و عصائر طبيعية زي عصير برتقال و طبعا انسي خالص المياه الغازية و العصائر الصناعية المحتوية على مواد حافظة ( أنا باعمل كده من سنين و حاسة بتحسن حقيقي و الحمد لله )
2- النوم لمدة لا تقل عن 8 ساعات ليلا
لأن ده الوقت اللي البشرة تتجدد فيه فحرمانها منه يجعلها مرهقة و تظهر هالات سوداء و انتفاخات تحت العين و شيخوخة و تجاعيد مبكرة و نحن عايزين نفضل شباب على طول 
3- تناول الخضروات و الفواكه يوميا و بالذات الجزر لأنه فيه فيتامين أ لتجديد البشرة و تنقيتها و الكيوي و البرتقال و الليمون و الطماطم و الجوافة و الفراولة و الخضروات الورقية و كمان الأسماك و زيت الزيتون و من السنة دهنه و أكله
و العسل على الريق ذوبي ملعقة في كوب ماء و كلي 7 تمرات
و اللوز و الشاي الأخضر أنا مواظبة عليه يوميا و سبت القهوة و الشاي الأحمر خالص و الأجمل و الأفيد الشاي الأبيض تحفة بجد و أفيد من الأخضر 3 أضعاف لسه عارفاه جديد و جبته تخيلوا ان مضادات الأكسدة في كوب منه 12 ضعف مضادات الأكسدة في كوب عصير برتقال !!! و طعمه حلو على فكرة أحلى من الشاي الأخضر و يعالج البدانة هعمل لكم موضوع عنه ان شاء الله من واقع تجربتي بعد ما أواظب عليه
و الأجمل و الأفيد الشاي الأبيض تحفة بجد و أفيد من الأخضر 3 أضعاف لسه عارفاه جديد و جبته تخيلوا ان مضادات الأكسدة في كوب منه 12 ضعف مضادات الأكسدة في كوب عصير برتقال !!! و طعمه حلو على فكرة أحلى من الشاي الأخضر و يعالج البدانة هعمل لكم موضوع عنه ان شاء الله من واقع تجربتي بعد ما أواظب عليه
مضادات الأكسدة بتعطل عمليات الأكسدة الضارة بالخلايا و التي تسبب السرطانات و الالتهابات و التجاعيد
4- عدم التعرض لأشعة الشمس المباشرة لما تكون عمودية يعني من 12 ظهرا للرابعة عصرا قدر الإمكان حتى مع استخدام واقي الشمس و يدهن كل ساعتين
و عن تجربة أفضلهم فوتودرم من بيودرما و يكون سائل لو بشرتك دهنية و على هيئة كريم أو ميلك لو بشرتك جافة و طبعا البسي نظارة شمسية للمحافظة على محيط العين و اوعي تنامي بأي مكياج
5- اغسلي وجهك يوميا لو بشرتك جافة مرة أو مرتين بالكثير و لو دهنية على الأقل 3 مرات بغسول طبي مناسب ، أنا بشرتي دهنية و أفضل غسول جربته كان غسول Avene و يليه غسول بيودرما ، و البشرة الجافة تهتم بالترطيب عشان تؤخر ظهور التجاعيد قدر الإمكان
6- تجنبي الأطعمة التي تعجل من ظهور التجاعيد و هي :
السكر
الدهون الحيوانية و المقليات
النشويات المعالجة زي الشيبسي
اللحوم المعالجة و الأطعمة المملحة المحتوية على نتريت و مواد حافظة( اقرئي محتويات العلب )
7- مارسي الرياضة بانتظام و لو المشي 
8- في حاجة كان المفروض تكون رقم واحد و فعلا بتنور وجهك و كل ما حد يقابلك يقول لك ( ما شاء الله وجهك منور كده ليه !) ألا و هي صلاة قيام الليل
و لو ركعتين و بعدين وتر - عودي نفسك عليها من الليلة إن شاء الله و بالراحة على نفسك لو مش متعودة كفاية ركعتين صغيرين في البداية عشان تداومي و خير الأعمال أدومها و إن قل
و ما تنسيش صلاة الضحى اللي تعتبر صدقة عن كل مفاصل جسمك و تنمع الكسل بقية اليوم و ادعي ربنا دائما واظبي على أذكار الصباح و المساء و صل الفروض الخمسة في وقتها أول ما الأذان يقول الله أكبر سيبي اللي في يدك و قومي للصلاة و حاولي تركزي بخشوع و شوفي إحساسك و خلي بالك اللي بيأخر الصلاة عن وقتها ممكن ربنا يأخر له كل ما يتمناه في حياته
و طبعا خلي نيتك في كل ده تحافظي على هدية ربنا لك في صحتك و جمالك و تشكريه عليها
في أمان الله و حفظه
أستودعكم الله الذي لا تضيع ودائعه
أصدقاء(طوق حياه)
0تعليقات Blogger
